Batalha de North Anna
La batalha de North Anna se debanèt dau 23 au 26 de mai de 1864 durant la Guèrra de Secession. Es un ensemble de combats menors entre l'armada unionista d'Ulysses S. Grant e lei tropas confederadas de Robert E. Lee. S'acabèt per un resultat nul.
Après sei reviradas de la WIlderness (5-7 de mai) e de Spotsylvania (9-21 de mai), lei Nordistas contunièron sei desplaçaments per assaiar de contornejar lei posicions sudistas per l'èst. Pasmens, se turtèron a de defensas ben organizadas e poguèron pas preparar d'assauts eficaç. Quauqueis escaramochas opausèron donc lei dos camps sensa entraïnar de consequéncias importantas. Finalament, Grant retirèt sei fòrças per atacar en direccion de Cold Harbor.
Lei combats entraïnèron probablament la neutralizacion de 2 000 òmes dins cada camp.